Николай Чугунов


Николай Чугунов

Николай Сергеевич Чугунов Йĕпреç тăрăхĕнчи Тури Кĕлешкассинче 1939 çулта çуралнă.

1953 çулта Чăрăшкассинчи çичĕ çул вĕренмелли шкула пĕтернĕ. Ун хыççăн Сĕнтĕрвăрри районĕнчи Турханкассинчи вăтам шкултан экстерн йĕркипе вĕренсе тухнă. Пилĕк çул хушши Йĕпреç районĕнчи вăрман хуçалăхенче машинист пулăшуçинче ĕçленĕ. 1958-1961 çулсенче Совет Çарĕнче хĕсметре тăнă.

Çартан таврăнсан комсомол путевкипе Çĕне Шупашкарти шалти ĕçсен пайне ĕçлеме пынă, Шупашкарти ГАИ инспекторĕ пулнă. Унта вăл 1975 çулччен вăй хунă. Ĕçленĕ вăхăтрах Чăваш патшалăх университетĕнчи историпе филологи факуль тетĕнчен вĕренсе тухнă.

1986 çултанпа Чăваш патшалăх университетĕнчи çар кафедринчи вĕренӳ мастерскойĕн пуçлахĕнче тăрăшнă. Халĕ Н.С. Чугунов тивĕçлĕ канура.


Хайлавĕсем