Вăшин-вăшин çил вĕрет...

Василий Мач | Сăвă | 1914 | революциччен çырнисем | 569


Вăшин-вăшин çил вĕрет,

Ăшă енчен çил вĕрет,

Ăшă çилпе юр пĕтет,

Юр айĕнчен çĕр тухать.

Хĕвел пит хĕртсе пăхать,

Тăри юрлать савăнса,

Юр ирĕлсе шыв пулать,

Шывĕ юхать явăнса.

Йывăç çулçă кăларать,

Курăк шăтса ешерет,

Кайăк юрри илтĕнет,

Пĕтĕм тĕнче хĕпĕртет.

Хура халăх хатĕрлет

Сухапуçне, сӳрине.

Çĕр типессе вăл кĕтет

Акма çурхи тыррине.

Çĕр те типрĕ, ăшăнчĕ,

Хура халăх хускалчĕ:

Çур тыррине акаççĕ,

Ана çине сапаççĕ.

Ăшă тăрать çанталăк,

Пĕтĕм хирĕпе халăх

Хитре тумпа çӳреççĕ,

Пит тăрăшса ĕçлеççĕ.

Хăшĕ-хăшĕ акаççĕ,

Хăшĕ тата сӳреççĕ. (...)

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем