Юрăçсем

Иван Ивник | Сăвă | 1938 | 349


Аслă вăрман чĕрĕлет,

Илемĕпе илĕртет.

Ĕнтĕ аслă вăрманта

Куккук сасси илтĕнет.

 

Çĕмĕрт çеçки çурăлать,

Юр пек шуррăн курăнать.

Шурă çĕмĕрт ăшĕнче

Шăпчăк юрри янăрать.

 

Ешĕл улăх илемне

Кам-ши савмĕ çуркунне!

Ешĕл улăх тăршшипе

Карăш сасси чӳхенет.

 

Вăрăм ыраш шăркара,

Лăпкăн-лăпкăн хумханать.

Вăрăм ыраш хушшинче

Путенийĕ авăтать.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем