Амăшĕ хĕрне ăсатрĕ

Иван Ивник | Сăвă | 1936 | 502


Шурăм пуçĕ çĕкленсессĕн

Хĕрлĕ юн тĕспе,

Амăшĕ хĕрне ăсатрĕ

Ту-сăрт çулĕпе.

Амăшĕ хĕрне ăсатрĕ

Вăрçă хирĕпе.

 

Икĕ ывăл пулнă унăн,

Пулнă... халĕ çук:

Вĕсем ӳкнĕ Альказаршăн

Харсăр вăрçнă чух.

Вĕсем пĕтнĕ - çĕн тĕнчешĕн

Вилнĕ... халĕ çук.

 

Çулăмпа çунать Испани,

Çăвăнать юнпа.

Лăпланса ларма çук канăç,

Унашкал кун мар:

Çулăмпа çунать Испани,

Çăвăнать юнпа.

 

Çавăнпа та шуçăм витĕр,

Авă ирхине

Амăшĕ хĕрне ăсатрĕ

Çапăçу хирне.

Амăшĕ хĕрне ăсатрĕ

Хĕрлисем патне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем