Ютра та, тен, нумайрах эреш, илем,..

Ютра та, тен, нумайрах эреш, илем,

Çавах çитмест тем, тунсăхлать вăй-халăм,

Хăш чух чăтма çук хĕсĕнет чĕрем —

Пĕтейнĕ, тейĕн, пĕтĕм ăраскалăм.

Пĕлетĕп: роза пирĕн сахалрах —

Çĕнелнĕ çĕрĕм пурпĕр питĕ капăр:

Кунта сывлатăп эпĕ çăмăлрах,

Чунра — çур кунĕ, пулмĕ ун декабрь.

Эппин, хитри те хамăр ен анчах.

Кунта кăна эп — Çын! — туллин савнатăп!

Ак ĕнтĕ мĕншĕн тепĕр хут, татах

Çапла калатăп эп хама, сана та:

Тăван çĕршыв, телей — пĕр йĕкĕреш,

Вĕсемшĕн пурăн эс — ĕçле, кĕреш.

Çĕнĕ комментари хуш