Хăна юрри

Хитре çапла килсе курни,

Пĕрне-пĕри хисеп туни.

Мĕнле аван чун-чĕрене

Ял-йышпала пĕрле чухне.

Анса пулсан тырри-пулли —

Ĕçме-çиме сĕтел тулли.

Мĕнле аван чун-чĕрене

Ял-йышпала пĕрле чухне.

Тухас килмест çак кил-çуртран,

Килĕштерсе пурăннăран.

Мĕнле аван чун-чĕрене

Ял-йышпала пĕрле чухне.

Çĕре-шыва сума сăвар,

Шуçăмпалах ĕçе тухар

Мĕнле аван чун-чĕрене

Ял-йышпала пĕрле чухне.

Çĕнĕ комментари хуш