Вунçичĕ çултаччĕ...

Николай Теветкел | Сăвă | яшлăх | 538


Вунçичĕ çултаччĕ. Иртет вирхĕнсе çеç

яш ĕмĕр, тиха пек. Эпир те пĕрле.

Хирсем, юмахсем пек, пире илĕртетчĕç,

çиçетчĕç çавра кӳлĕсем тĕкĕрле.

 

Хĕвел те çап-çамрăкчĕ — пирĕн çултаччĕ —

тĕнче те вунçичĕ çултах пулнă тем?

Вунçичĕ çулхи ăс — вăл яшлăх çуначĕ!

Çӳреççĕ кăвак тӳпере ĕмĕтсем.

 

Халь урăх эпир те — куçна эс ан чар:

çав çамрăк кунсем хыçала юлчĕç мар-и?

Тупа, юрату... ерипен йăлт вĕрентĕмĕр.

Телей — шухă ут: утланаймăн вăр-вар:

 

Кашни пирĕнтен хăйĕнне хăваларĕ —

тен, иккĕн пĕрле çеç пĕрне вĕçертместĕмĕр.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: