Çакăнта, Тикки енче
Çакăнта, Тикки енче,
Станци пур — Пăва.
Халь тăнлатăп умĕнче
Ĕçлĕ шăв-шава.
Пит чылай кайни кунтан
Эпĕ тĕнчене.
Пурпĕрех Пăва тăван,
Çывăх чĕрене.
Таврăнап-и çаврăнса
Эпĕ хăш чухне,
Савăнса илеп шăлса
Тунсăх куççульне.
Çакăнта юлап анса
Эпĕ пуйăсран.
Майĕпен утап канса
Кив сукмакпалан.
Пурччĕ ман кунта туссем:
Дик, Сергей, Абрар.
Креазотлă çи-пуçсем
Халь те манăç мар.
Курăнать улшу нумай,
Пурнăç хальхилле.
Шăпчăк çеç юрлать пĕрмай
Пурпĕр кивĕлле.
Макăрать сак-сук çаплах,
Хурлă сассипех.
— Хук! та хук! — тет татăлсах
Утлăх тăршшĕпе.
— Килтĕн-им? — тесе мана
Хапăллать утут.
— Ан çемçет, поэт, хăвна,
Паттăрла, — тет, — ут.
Кĕç çитеп тирек патне,
Куç илми пăхса.
Хирĕç тухрĕ пӳрт умне
Йăмăк ак чупса.
Вăл чипер, аннем тĕслех,
Ырă та вăр-вар.
Чуп туса, аннем пекех,
Утрĕ юнашар...
...Çакă аслă çĕр çинче
Станци пур — Пăва.
Вăл тытать пуль асĕнче
Ман юрра-сăвва.
1995. Кипеккасси
Шухăшсем
Are you fully utilizing the potential of...
Every day, websites like chuvash....
Get more leads for your chuvash...
Your website, chuvash...
Are you maximizing the potential of your...
Your website, chuvash...
Every day, websites like chuvash....
I recently tried https://killakush...
Тĕлĕнмелле çырнă...
Сахал сăмахсемпех питĕ тарăн шухăшсем уç...