Куçарнă юрăсем

Михаил Сениэль | Куçару | тутарларан | Заки Нури | 676


Чĕлхемçĕм, чун уçма вĕрен,

Куçар эс юрă хыççăн юрă.

Эп çитнĕ вырăн тĕрлĕрен,

Çитмен çĕрсем те йышлă юлнă.

 

Якут çĕршывĕ те Кавказ,

Кăвак Дунай... Çулсем чĕнеççĕ.

Куçармасассăн — юрамасть.

Çапла тума хушать чĕреçĕм.

 

Вĕçтерĕп кăркăссем патне,

Туркменсене те çитсе курăп.

Вырнаçчăр-и сăввăмсене,

Тăванланса, Хусан та Куба.

 

Сӳнме памасăр туслăха,

Куçарăп юрă хыççăн юрă.

Эп куçарман поэт сахал,

Хăшпĕрисем çапах та юлнă.

 

Пĕлсессĕн вырăс чĕлхине

Кирек кама та ăнланатăн.

Тем тĕрлĕ халăх юррине

Тăван чĕлхепеле юрлатăн.

 

Таван чĕлхе, Тукай чĕлхи,

Кĕрлетĕн Атăл пек хăватлă.

Кала, мĕн пур санран пахи:

Тус мар çыннах эс тус тăватăн.

 

Заки Нури

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: