Çав вăхăта эс лайăх астăван...

Николай Теветкел | Сăвă | 483


Çав вăхăта эс лайăх астăван:

хĕвел шевле сапатчĕ хырлăх витĕр.

Каларăн эс: «Санпа утма аван,

санпа чух вăрăм çул та çывăх питĕ».

 

Умра сасартăк татăлчĕ те çул,

çăтса ярас пек тухрĕ пĕчĕк шурлăх.

Куçна чарса эс пăрăнтăн: «Сыв пул,

санпа нихçан çула тухмастăп урăх!..»

 

Эс çул çинче ялан кĕпер те каçă

пулать тесе шутланă пурнăçра,

анчах вĕсем пĕр вĕçĕм тĕл пулмаççĕ

çитес çĕре васканă вăхăтра.

 

Ан тĕлĕн ху чĕлхӳ пит хастартан —

йĕрех инçе каймасть вăл çăвартан.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: