Эс кайрăн, çĕнĕ юр çусассăн...

Николай Теветкел | Сăвă | юр | 401


Эс кайрăн, çĕнĕ юр çусассăн,

ăсатрăм ал сулса пĕччен.

Çилсем çеç тунсăх пуснă саслăн

Çумра пуплетчĕç сан çинчен.

Юр çурĕ, çурĕ... Чарăнассăн

вăл туйăнмарĕ темĕнччен.

Йĕрӳсене шăлса кайсассăн,

каларăм эп: «Тĕл пуличчен!..»

Сан йĕррӳне каллех эп куртăм

асаилӳ мехелĕпе:

сӳнмерĕ манăн шанчăк-туртăм

Тĕл пуличчен! Хаклийĕ çак-тăр?

Çĕн тĕлпулу çул-йĕрĕпе

уйрăлсанах утма пуçлатпăр.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: