Мĕскер çитмест?

Валериан Александров | Сăвă | Капкăн | 447


Мĕнле, тăван, пурăнмалла-ши

Çак кукăр-макăр пурнăçра?

Пуçа усса ларни кирлех-ши,

Тен, усалли юлтăр хыçра?

 

Шуйттан тĕнчи пек алхасаççĕ

Тем чул йăх-ях, тӳре-шара.

Кризис тесе лăплантараççĕ,

Çынсем кураççĕ тамаша.

 

Экран çинче пĕр намăс-симĕс,

Ытла сахал-çке чун апачĕ.

Тăрса çеç юлчĕ йӳçĕ кăмăс,

Этемлĕх пирĕнтен çухалчĕ.

 

Çĕршыв ятне мĕн-ма яратпăр,

Хăçан тĕп пулĕ çак тискер?

Виçесĕр Анăçа шанатпăр,

Мĕскер çитмест пире, мĕскер?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем