Ман хĕвел

Валентин Урдаш | Сăвă | 379


Мăшăрăма Таисия Андреевнăна

 

Мана пĕр хĕвелĕм çеç кирлĕ, —

Хĕвел çеç вăй патăр мана.

Кам пултăр этемĕн хĕвелĕ?

Хĕвел — савнă мăшăр кăна.

 

Мана хам çĕршывăм çеç кирлĕ, —

Çĕршывăм кун панă мана.

Кам пултăр этемĕн хĕвелĕ?

Хĕвел — ман çĕршывăм кăна.

 

Мана çирĕп сывлăх çеç кирлĕ, —

Хĕвел хăй юраттăр мана.

Чĕремçĕм, тапсамччĕ эс вирлĕ,

Чĕрем, юраттарччĕ хăвна.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: