Ун чухне улмуççи шур тумне пăрахсаччĕ

Сăвар Эртиван | Сăвă | 1967 | 627


Ун чухне улмуççи шур тумне пăрахсаччĕ,

Чăмăркка улмисем курăнатчĕç пĕр пек.

Эп пăхса савăнаттăм, «Паха атте сачĕ.

Çимĕççи кĕр кунне пулĕ тулăх, кĕрпек».

 

Кĕр çитсен пахчана эпĕ кĕтĕм, хурлантăм,

Улмисем пит шултра, чуптăвасшăн çĕре.

Анчах хăшĕ-пĕри ăшĕнчен йăлт хуртланнă,

Е тепри çиелтен хăмăрланнă, çĕрет.

 

Тепĕр ир улмасем çĕре ӳкнĕ нумайăн

(Çĕрлехи çил тасатнă улма йывăçне).

Çав йăх- ях çимĕçе сыснана панă майăн

Эп тав турăм çиле ырласа ун ĕçне.

 

Çил пулман тăк, çĕре ӳкменни те чирлетчĕ,

Курас çукчĕ çисе тап-таса улмине.

Ан хуртланччăр тесен имлени те кирлехчĕ.

Анчах халĕ тин мар, чечек çурнă чухнех…

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: