Маска тăхăннă çын

Николай Теветкел | Сăвă | ултав | 553


Эс калатăн:

Кирлĕ çирĕп тус-тăванлăх,

тутине ан çырттăр тĕлсĕр курайманлăх.

Çын шыва путсассăн, аллуна эс султăн:

Çавă кирлĕ терĕн, лехлетсе çеç култăн.

Çын парсассăн çăкăр — çăтăхса илетĕн,

хăв ăна кайран эс мăн чулпа перетĕн.

Çавă кирлĕ тетĕн, шăл йĕрсе утатăн,

çын инкекĕнче те киленӳ тупатăн.

Çамкуна пĕретĕн, тыткалатăн ăслă,

эс мораль çинчен те вăтанмасăр йăслăн.

Сикчĕллĕ ултавăн вăрттăн-хĕрттĕн йĕрĕ

сан хыçран юлмасăр, пур çĕре те кĕрĕ.

Чун рентгенĕ витĕр кăларса пăхсассăн,

куртăм чăн сăнна эп, хаш! сывларăм ассăн.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем