Хурçăран çирĕпрех

Арсентий Андреев | Сăвă | 341


Пире ырă сывлăх сунмарĕ

Мăянлă уй-хир те кунта.

Çапах та, романтика мар-и

Выртса пурăнма вакунта?..

 

Çунтарчĕ вут евĕр тип шăрăх

(Ачаш пулсан — кайăр тарса).

Хальччен çын иртмен уй-хир тăрăх

Çӳрерĕм хуçа пек утса.

 

Тулхашрăн, çиллентĕн хаяррăн...

Эпир, çеçенхир, пурпĕрех —

Çил хирĕç вĕрет-и, уяр-и? —

Мартен хурçинчен çирĕпрех.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: