Эс ман пекех пурнасшăн пулнă

Арсентий Андреев | Сăвă | 443


Эс ман пекех пурнасшăн пулнă...

Лартса ӳстернĕ йывăçсем.

Вăйăсенче — вылянă, кулнă,

Юрланă çепĕç юрăсем.

 

Эс ман пекех пурнасшăн пулнă...

Юратнă аслă çĕршыва.

Пĕр шикленмесĕр вут пек çуннă

Телей парасшăн халăха.

 

Эс ман пекех пурнасшăн пулнă...

Çырма пуçланă кĕнекӳ

Вĕçне çитмесĕр выртса юлнă —

Пушах халь санăн кĕрекӳ.

 

Çулсем иртеççĕ, вăхăт — ватă...

Кунсем ишеççĕ ĕмĕре.

Эс пурнăçра та, сăввăмра та

Пурнатăн çирĕм иккĕрех.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: