Пурăнасчĕ туслă, тăванла

Пурнăç калама çук кăткăсран

Тайăлмастпăр-и эпир ăсран?

Радио яратпăр та ирех —

Ырă хыпарсем çукпа пĕрех.

Ачасем тараççĕ килĕнчен

Ашшĕсем пĕр вĕçсĕр ĕçнĕрен.

Самолет ӳксе ванни çинчен

Пĕлтерсе кама тĕлĕнтерен?

Кавказра хуçаланать хурах,

Ку вара тата хăрушăрах.

Тараватлăх тухнă манăçа,

Тилмĕрсе пăхаççĕ анăçа.

Тăнăçлăх парасчĕ халăха,

Хаклама пĕлесчĕ туслăха.

Чикĕ леш енчи шав хĕтĕртет

Хирĕçме пĕр-пĕринпе хистет.

Юханшыв юхмасть вăл каялла,

Талпăнать хăюллăн малалла,

Туслăх юррине юрла-юрла

Пурăнасчĕ туслă, тăванла.

Çĕнĕ комментари хуш