Ялкăшать хĕвел çӳлте

Василий Волгин | Сăвă | 1953 | 479


Ялкăшать хĕвелĕмĕр çӳлте,

Пĕлĕт тăрă, пĕлĕт те янравлă.

Ах, мĕн чухлĕ юрă уй-хирте.

Çурхи кун хаваслă, ĕçĕ шавлă.

 

Катара шавлать пĕр агрегат —

Пĕрре мар иккен халь, темиçе.

Машинсен кĕрлевĕ йыхăрать:—

Йышлăн тухăр пурсăр та ĕçе.

 

Кĕр калчи хунавлăн ешерет,

Тумĕ ун куçа пит илĕртӳллĕ.

Калчана бригада сӳрелет, —

Тырă пултăр сĕрĕшсе те çӳлĕ.

 

Аната анатпăр, çырмана,

Çурхи шыв кĕрлет пĕр тикĕс саслăн.

Янратать куккукĕ вăрмана...

Чечеклен çĕршыв, юрла хаваслăн!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем