Эсĕ тытса савсассăн...

Эсĕ тытса савсассăн,

Хĕвел тухĕ хĕрелсе;

Эсĕ мана савмасан,

Хĕвел анĕ хуралса.

Паянлăха сыв пулăр,

Ыранлăха пур пулăр.

Виçминесем çитсессĕн,

Куçа-куçăн калаçма

Тата килсе кĕрĕп-ха.

Сирĕн пата килтĕм те —

Кĕтсе лартăм эп пăртак.

Ним ĕçпе мар, ахалех

Пуплемешкĕн килнĕччĕ.

Ик тăванран пĕри те

Эсир килте пулмарăр.

Тепĕр чухне çавăн пек

Тата кĕрсе тухăп ха.

Çĕнĕ комментари хуш