Кĕрешӳ

Сăвар Эртиван | Сăвă | 1970 | 571


Тĕнчене силлессĕн

Çил сикет çиллессĕн.

Юр юла пек вĕттĕн пĕтĕрнет.

Çул та çук – çухалчĕ,

Шиклĕх çеç çуралчĕ,

Çитрĕм мар-ши пурăнăç хĕрне?

 

… Пăрлă ӳт пĕçерчĕ,

Юр – йĕпе икерчĕ...

Ăш-чикре те ăшалать вутла.

Шур тĕтре, шур лĕпĕш,

Эх, епле шыв лĕпĕ.

Хывăнас пуль, пăчă-çке ытла.

Ку вăл – вилĕ кулă,

Эп чĕрех-ха,

Курăр!

Юн пăрланиччен кӳтем –

Вăй-хала шăмарăп,

Тĕлĕк курса мар эп,

Кĕрешсе вилем.

Эп – этем!

 

Шăл çыртса çул уçрăм,

Хырăмпа эп шуçрăм.

Курăр!

Çитрĕм хам çитес çĕре.

Пурăнăç!

Пĕрре эс,

Саншăн çеç кĕрешĕç

Вут-хĕлхемлĕ

Мĕльюншар чĕре.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: