Пуçа таятăп

Халь мана савать тĕнче,

Тĕнчене саватăп эпĕ.

Ырă кун ытамĕнче

Эп хама телейлĕ тетĕп.

Картлатса тапать чĕре.

Кам ăна чарма пултарĕ.

Çитепех çитес çĕре —

Çунтăр çеç чĕре кăварĕ.

Çунатпа телей вĕçет,

Чун çунатлă вăл, пĕлетĕп.

Юратап тăван çĕре,

Эп ăна хампа виçетĕп.

Хура халăх умĕнче

Яш пуçа çĕре таятăп.

Ĕмĕтсем чун çумĕнче —

Мĕн хушан, çавна тăватăп!

1956. çĕртме, 24.

Ишлей пуххи.

Çĕнĕ комментари хуш