Анне алли

Сăвар Эртиван | Шăранчăк | 1973 | 624


Те кунĕпех утнăран, те çĕр вĕри пулнăран пĕçереççĕ-ши ура тупанĕсем? Пăчă. Шыв ĕçесчĕ те çав... Аннем килте кăпăклă сĕт ĕçтернине аса илсен сурчăка çеç çăтатăп. Умра – çăл, çул çӳревçе шăрăхра вăй паракан çăл. Тĕлĕнмелле, епле типмен-ха вăл?

 

Миçе эрне çумарĕ-ши ку çумăр,

çăвар тулли тусанĕ, хăямат.

Пуçне усса ларан ӳсен-тăранĕ

тăранĕ-ши ĕçсе чун каниччен?

Çĕр антăхнă, çĕр харсăрланнă, кушнă,

йĕпетĕччĕ хăть типĕ тутине.

 

Çав самантра, тĕлĕнмелле, эп илтрĕм хавшанă çĕрĕн ăшă сассине:

– Ывăлăм, ывăнтăн пулĕ, ăшу хыпрĕ пулĕ. Ĕç-ха шывне, ывăлăм.

– Тавтапуç, аннеçĕм.

 

Хураçырма. 1973, çĕртме.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем