«Çулçăсем ӳкеççĕ ман ума...»

Валентина Тарават | Сăвă | 397


Çулçăсем ӳкеççĕ ман ума,

Тĕксĕм пĕлĕтсем те çывăх, çывăх.

Кам каланă — йывăр уйрăлма?

Тĕл пулма кайран — пин-пин хут

йывăр.

 

Кайăк хур вĕçет.

— Кайри — мала!

— Кик! Ки-как! — хурланнăн сас параççĕ.

Ĕмĕр виçĕнмест утăмпала.

Кайăк мар, çулсем тек таврăнмаççĕ.

 

Пит кичем: çаралнă йывăссем,

Çывăх, çывăх тĕксĕм пĕлĕтсем те.

Ĕмĕтсем çеç çутă, ĕмĕтсем...

Пурăнасшăн, çунатсем ĕнсен те...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем