«Тахçантанпах çырмастăп сăвăсем...»
Тахçантанпах çырмастăп сăвăсем.
Тахçантанпах савмастăп никама та.
Савас текен пур кăмăла хăватăп,
пурнатăп çылăхран тухас тесе.
Тахçантанпах кĕтместĕп никама.
Тахçантанпах никамшăн та çунмастăп.
Чĕре чĕнмест — юнланнă, ĕннĕ ластăк.
Юн сивĕннĕ. Чун вилнĕ. Хусканмасть.
Татах чĕртсе хускатĕç-ши ăна?
Пĕр йăпатса, пĕр амантса турткалĕç?
Çавна: чăн юрату ку тесе калĕç?
Анчах кичем, салху çак йăлт мана.
Кичемлĕхре вилетĕп пулĕ эп?
Салхулăхра вилме пуль Турă çырнă?
Тулмарĕ кăмăл ман, каçмарĕ çылăх.
Хыт тĕмсĕлсе, мĕскĕнлĕхре вилеп...
Çĕнĕ комментари хуш
Шухăшсем
я не знаю чувашский а хоть и кто занет ...
НУРНАТПАР-ХА ТЕСЕ ПЁРИ КАЛАНА вара ...
Мĕнле пулнă, çаплипех тăрать, заблокиров...
Тархасшăн çак ухмахсен шухăшĕсене тасатă...
Сергей Юшков - Етĕрне районĕнчи Атликаси...
Лайăх сăвă ачасемшĕн...
Темле çын та пур çĕр çинче, тĕлĕнместĕп....
Аван ...
кайăксем чăнахта лайăх чĕр - чунсем
Çитмĕлсенчен иртсен те, хаш сывлатпăр, А...