«Эп юмахри пек пурăнатăп...»
Эп юмахри пек пурăнатăп
Чăнпа асамлăх хушшинче:
Пĕр пӳрт, пĕр ватă хурама та
Пĕр сарă уйăх пуç çинче.
Каç пулттипе çутмастăп çутă,
Хутса яратăп кăмака,
Ташла-ташла çунать те вутă,
Сирет кăштах сĕм шăплăха.
Вара юсанкалать пек кăмăл,
Хаваслăх çуралать чунра:
Иртни ума тухать çăп-çăмăл,
Пулассисем те çăмăлрах.
Суятăп. Шутласа кăлартăм
Мĕлке ташланине кура:
Мана çынпа та çăмăл мар та,
Пĕччен тата йывăртарах.
Те юмахри пек пурăнатăп,
Те мĕскĕн эп çак çĕр çинче.
Пĕр пӳрт, пĕр ватă хурама та
Пĕр сарă уйăх пуç çинче.
Шухăшсем
Hello, I was looking at chuvash.....
6...
1...
Виртуальный номер США может пригодиться ...
Виртуальный номер — удобный способ получ...
Виртуальный номер — удобный способ получ...
Виртуальный номер США может пригодиться ...
Тискер ĕç-пӳç пĕтĕм илеме , тĕнчене пăса...
я не знаю чувашский а хоть и кто занет ...
НУРНАТПАР-ХА ТЕСЕ ПЁРИ КАЛАНА вара ...