«Анне сарриллĕ сар чечек...»

Анне сарриллĕ сар чечек

Ям çулĕ хĕрринче.

Чăваш хĕрарăмĕ пекех

Чипер çурхи тĕнче.

Хушпу тенкиллĕ шыв хыçра

Чăнкăртатса юлать.

Чипер хуккук çăкалăхра

Çӳрес куна шутлать.

Арçын куçĕ пекех элле

Пыл хурчĕсем вĕл-вĕл.

Хĕрарăм кĕпилле вĕлле

Чĕлл-чĕлл, чĕлл-чĕлл, чĕлл-чĕлл.

Чупас çулсем инçе-инçе —

Юртать, юртать юпах.

Тенкĕ сасси çинçе-çинçе —

Вĕçленесси çуках.

Çĕнĕ комментари хуш