Каша

Анатолий Май | Сăвă | 672


1648 çулта Чĕмпĕр хули çĕкленет,

1649 çулта Каша яле никĕсленет.

 

Антăр тăвĕнчен ямшăк çулĕпе

Кăлтăр-кăлтăр кустăрма кусать.

Вăйпитти хресчен, Чĕмпĕр хушнипе,

Шиклĕ-шухă вырăна куçать.

Тĕксĕм вăрманта — выçă кашкăрсем,

Чĕмсĕр вупăр, ашкăнчăк упа...

Чăрсăр ар Каша хăвалать утне

Сассипе те çивĕч пушăпа.

Чăтлăх хĕррипе чупрĕ урапи,

Сакăл ăйăр сурĕ сакăлта.

Шур сăхман çинче — йывăр çын Сарпи,

Чун тухас пек, выртрĕ çакăнта.

Сĕверен каçса çереме çитсен

Иккĕн ячĕç кăшкăрса — шăпа!

Амăшĕ — хаяр, ывăлĕ çаксен

Савăнтарчĕ уçă сасăпа.

Яштака Каша пĕлĕтпе танах

Çӳлелле çĕклерĕ ачине:

— Нимĕнле нуша, синкер самана

Хур тăваймĕ чăваш кун-çулне!

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: