Несĕлӳ сан пулманччĕ йăваш

Шевкен Гришши | Сăвă | 463


Хура халăх, чăвашăм, чăваш,

Несĕлӳ сан пулманччĕ йăваш.

Хурахла тапăнсан та тăшман

Вăл ăна виличчен парăнман.

 

Чĕлхе пур, пур Çĕр-шыв чăвашсен,

Пур Патшалăх ялавĕ вĕсен.

Çак мула упраса хăварар,

Çултан-çул йышланса вăйланар.

 

Ĕçчен халăх чăвашăм, тăван,

Мĕн кăна, мĕн кăна-ши курман?

Пур пĕрех йăх тымарĕ хăрман,

Пур пĕрех çĕр çинчен çухалман.

 

Мухтава тивĕç эсĕ, чăваш,

Аслă Атăл сана хурăнташ.

Асаил несĕлсен хăватне,

Ан çухат эс чăвашăн ятне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: