Хур кайăксем иртеççĕ картипе

Вячеслав Круглов | Сăвă | 2003 | 513


Хур кайăксем иртеççĕ картипе…

Куçран çухалчĕç уйăн катипе.

Сасси ӳксе юлать ял варрине.

Чуна çуран сăмахĕ мĕн çинчен?

 

Пĕлместĕп эпĕ кайăк чĕлхине,

Мĕнех хăварчĕ хăйĕн чĕринчен…

«Тен, таврăнатăп, — терĕ. — Çур çитсен,

Çырма тулсан, çут кӳлĕсем çиçсен».

 

Асамлă сас тăрать ман хăлхара,

Умри уй-хир пушаннă, хуп-хура.

Çу алă пачĕ мар-и кĕр кунне, —

Илсе ывтам-и тунсăхăм чулне.

 

Хур кайăксем килеççĕ çуркунне,

Кĕтме эп тухăп ăшшăн ун чухне.

Саламлама-и манăп туссене,

Кăнтăр енчен килен мăшăрсене.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем