«Пултăрах ман çул тумхахлă...»

Вячеслав Круглов | Сăвă | 400


Пултăрах ман çул тумхахлă —

Такăнмасăр ут юртать-и?

Васкаса сăмах ан ваклăр,

Хыпăнма, тăван, юрать-и?

Çынра хура çеç ан шырăр —

Хĕвелте те пăнчă пур.

Тӳрĕ пулнă, юлĕ ырă,

Чăннине куçпа эс кур.

Нумай чух кайран пĕлетпĕр

Çыннăн чунлăхĕн хакне.

Чаплă сăмах-çуй тĕрлетпĕр

Асăнса этем ятне.

…Эп лартаймăп хама палăк,

Эп — ахаль хресчен çынни.

Пурăнасчĕ савăнмалăх,

Пултăр мулăм — мĕн çырни.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: