Упаçăм, ан çиллен...

Яков Рогачев | Сăвă | ачасем валли | 336


Çăмламас упаçăм, ан çиллен,

Пĕр самант ларсамччĕ пĕр-пĕччен.

Парнелерĕ ак мана инке

Мĕнешкел илемлĕ кĕнеке.

Кĕнеки ӳкерчĕкпе пуян:

Пур унта сар тилĕ те куян.

Акă — сад, хĕп-хĕрлĕ улмасем,

Юнашар — илемлĕ çырласем...

Сасăпа вулатăп çырнине, —

Вĕренме каятăп кĕркунне.

Тунсăхламăн, тусăм, ку хутра, —

Санпа выльăп пушă вăхăтра.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: