Людмилăна

Анатолий Смолин | Сăвă | 555


Сана кĕтсе чĕре кӳтсе пăрланчĕ.

Эс килтĕн те — чĕрем каллех кăвар.

Мĕн ĕмĕр тăршшĕпех пĕрле пулсамччĕ,

Пĕччен мана нихçан та ан хăвар.

 

Çумра çук чух — ытла салху та тунсăх,

Хĕвел пăхать пек — юнашар чухне.

Санпа кăна пуласчĕ, савнă тусăм,

Нихçан çухатас марччĕ пĕр-пĕрне.

 

Эп сансăр ним тума та пултараймăп,

Эп сансăр тăлăх-туратпа пĕр тан.

Çапла савнишĕн ан тусамччĕ айăп,

Каçар çапла савманшăн чăн малтан.

 

Сана кĕтсе чĕрем кутсе шансассăн,

Хĕрӳ чĕре кăварĕ пур-ха ман.

Эп çав-çавах пачах сывламăп ассăн —

Мана хăтарăн эсĕ сив пăртан.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: