« Ăçта эс, манăн тунсăхлă кĕслем?..»

Валери Туркай | Сăвă | Светлана Асамат | 577


С.Асамата

 

Ăçта эс, манăн тунсăхлă кĕслем?

Сана тахçантанпах алла илмен эп.

Ĕсĕклесем, чĕрем, ĕсĕклесем...

Куççулĕм юх — эп саншăн именместĕп.

 

Çак чунсăр, тĕксĕм, сулхăн тĕнчере

Никам та никама та шеллемест-мĕн.

...Шеллеттерес килет-çке пурпĕрех,

Шеллеттерес килет хăйне этемĕн.

 

Эп этем мар-им? Ман чĕре, ман чун

Суранланса та ыратмастъ теетрим?..

Эсир хаваслă эп хурланнă чух.

Е хăвăр хурланассăр çук теетрим?

 

Ăçта эс, манăн тунсăхлă кĕслем?

Сана тахçантанпах алла илмен эп.

Ĕсĕклесем, чĕрем, ĕсĕклесем...

Куççулĕм, юх — эп саншăн именместĕп.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: