Çутçанталăк пайĕ эп

Валериан Ромашкин | Сăвă | 619


Çаппа çарамас çӳрес килет:

Çутçанталăк пайĕ эп.

Чунăма уçса парас килет!..

Ăнланаймастăр çав — пĕлеп.

 

Ирĕкре çунатсене сарса

Тӳпене вĕçес килет!

Читлĕхре ларатăп хуйхăрса...

Унта ларнă çын — пĕлет...

 

Хирпе утса пырсассăн

Ачашшăн ăшă çил лăпкать.

Инçе çула тухсассăн

Аннемĕн пилĕ пулăшать.

 

Каварçă тăшмансем манне

Çапса хуçаймĕç чунăма.

Вĕсем умри тĕллевĕме

Чараймĕç-çке пурнăçлама.

 

Таптасшăн ырă кăмăла,

Тен, айăпĕ хамра хăш чух.

Тухас килмест ман усала,

Кӳрентермещкĕн шухăш çук.

 

Ан çилленсемĕр, тăвансем,

Кӳрентеретĕп пуль хăш чух.

Каçарăр, ыратать чĕрем...

Ăнланăр, çиллĕм манăн çук.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: