Авланма хăратпăр

Петĕр Ялгир | Юмах | 556


Эпĕр пурте çывхаратпăр

Акă ĕнтĕ вăтăра.

Авланма çапах хăратпăр

Çакă яшă вăхăтра.

 

Хусаха ялан çул аслă

Çӳремешкĕн урама.

Йывăр пулĕ авлансассăн,

Юрамашкăн арăма.

 

Вăл тем те пĕр туянмашкăн

Шав хăвалĕ лавккана.

Илме хушĕ тиркĕ-чашкă,

Пудра, тĕкĕр, такана.

 

Арăмпа лекме те пулĕ

Инкеке пĕр самантрах.

Михала тăкать куççулĕ:

— Ма юлман-ши, тет, хусах?

 

Ав, Иван ĕнер паллашнă,

Паян кайнă çырăнма.

Арăмĕ каçпа харкашнă:

— Вăхăт, тенĕ, уйрăлма.

 

Ав, тата Палля Якурĕ

Çитнĕ çичĕ арăма.

Авлансассăн тем те курăн.

Пит кирлех-ши авланма?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем