Каçхи тунсăх

Юрий Леванов | Сăвă | тунсăх | 397


Лăпкă каç. Тӳпере çăлтăрсем тĕлкĕшеççĕ.

Вĕлкĕшсе чĕлтĕрти юр чĕтрет.

Пуçăмра ерипен шухăшсем чĕрĕлеççĕ.

Канăçа çухатса чĕрере.

 

Астăватăн-ши эсĕ: ун чух калаçатчĕ

Хĕл мерченĕ ура айĕнче.

Тĕксĕм уйăх шупка çутине сапалатчĕ.

Ытарма çук тӳлекчĕ тĕнче.

 

Çав асамлă каçа чăтаймасăр эп кĕтрĕм.

Пулчĕ вăл тĕлĕкри пек хитре,

Иккĕлле шухăшсем — чун асапĕ пач пĕтрĕ.

Лăпкăн сирĕлчĕ тейĕн тĕтре.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: