Электронлă вулавăш

Çулăмсене халĕ

пӳрнепе сусассăн

манăн, сан, ачун

çитĕ шутлама.

Хушăран хăратăп

сывлама та ассăн,

мăшăрлисене пуçлатăп ăмсанма.

 

Виçĕ теçетке вăл

пирĕншĕн сахал-им,

çынсенчен юлмасăр

пурăнас килет.

Ĕлкĕрме çавах

çитеймерĕ халăм,

çав хатер мĕскер вăл

вăхăта илет?

 

Тупнинчен ытла

çухатаймарăм пулĕ,

пусрĕ пуль вĕлтрен

ман тăван киле.

Мĕн ӳсни-кулни

асăмра çеç юлĕ,

савăнăç хăçан ĕнтĕ,

ман тĕле килет?

 

Çулăмсене халĕ

пӳрнепе сусассăн,

виçĕ çынăнне

пĕр харăс хумалла.

Пурнăçу, тăванăм,

шутласа пăхсассăн,

манăнни пекех,

ăнмарĕ пулмалла.

 

Çирĕм пиллĕкчен

тăлăх арăм пултăн,

çавă ят пирки

мĕн каламалли…

Пĕреххут, иртни

манăçайтăр юлтăр,

иксĕмĕрĕн халь

тата пурнмалли!..

 

Пуласне ăна

пӳрекен çеç пĕлĕ,

паянхи çинчен

шухăшлап та эп,

«Çынсенчен ытла

çухатайрăм пулĕ,

çухатни чухлех, тен,

халĕ тупрăм» - теп.

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн