Савнă ен

Савнă ен, тăван тавралăх,

Хир-хир витĕр ялĕсем…

Санпала манри тăванлăх

Эх, пит хаклă-çке вĕсем.

Ăшă çу пек ырă эсĕ,

Ытарми тăван кĕтесĕм!

Çупăрлатăн, хал кӳретĕн

Чунăм ывăнса кӳтсессĕн.

Эс — атте те ман, анне те

Йăлт эс манăн мĕн пурри.

Виçейместĕп ун анне те,

Ун пӳне, ак — чун юрри.

Ырлăхпа телей пиллетĕн

Ĕмĕрхи хăватупа.

Эс — калатăн, эп итлетĕп,

Эп санри юратупа.

Сарлака та эс, пит аслă!

Юхтăр юрă шăранса…

Илĕртет çап-çут пуласлăх,

Пурăнар ырра шанса.

Çĕнĕ комментари хуш