«Тен, юратнă сана...»

Иван Чермаков | Сăвă | 469


Тен, юратнă сана,

Тен, ахаль

Юрату вăййине çеç вылянă...

Çывăх курнă, анчах кăлăхах —

Çиçеймерĕ çут çăлтăрлă шанăç.

 

Эс пăрахрăн мана, пит аван!

Иртсе кайрĕ тинех пăлхану.

Тен, чăнах эпĕ пулнă айван,

Урăххи халĕ санăн хăну?

 

Урăххи ыталать, чуп тăвать,

Савăнса, тен, итлет сассуна.

Уншăн эсĕ — чи çывăх тăван,

Парнелетĕн сӳнми куллуна.

 

Те юратнă сана, те ахаль

Юрату вăййине çеç вылянă...

Ирĕк пурнăç пулсассăн та халь,

Чĕререх эс — кăварлă суранăм.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: