«Шухăша кайса ларать...»

Петĕр Хусанкай | Сăвă | 1960 | Шупашкар | 249


Шухăша кайса ларать

Ир çинчи çурхи хула.

А-ах! Асăмра

Сан кăвак куçу кулать.

 

Тĕлĕрен тӳлек бульвар

Пире тивĕç астума.

А-ах! Шупашкар!

Ма васкать-ши ăсатма?

 

Бакен сӳнчĕ тин кăна

Юлашки çăлтăрпалан.

А-ах! Сан сăнна

Манас çук эп нихăçан.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: