Çаран

Зоя Головинская | Сăвă | 455


Эх, илемлĕ те çаран,

Мĕн чул ырлăх эс паран.

Ырă шăршă шав саран,

Вăрмантан яла таран.

 

Ешереççĕ чечексем,

Хĕрлисем те саррисем.

Юнашарах — çырлисем,

Ытарма çук тутлисем.

 

Асăмра чечен çаран,

Самай утнă çырларан.

Нумай чупнă эп çарран

Каппартан та Хырларан.

 

Савăнать-çке ял çынни,

Сан уттуна пуçтарса.

Тутă пулĕ ун ĕни,

Сĕтне парĕ тултарса.

 

Куç виçейми çаранĕ...

Янăрать кайăк юрри.

Сан пекки мĕскер пур-ши,

Пуянни те чи ырри?

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: