Аслати

Борис Романов | Сăвă | 414


Тӳпе шăпăртатса юхать.

Тӳпе шатăртатса тăрать.

Уй-хирĕм çумăра сăхать.

Калча ем-ешĕл хăпарать.

 

Кĕлеткеме çӳçентерсе,

е çутатса, е сӳнтерсе,

теме тем урлă чĕнтерсе —

аçа çапать кисрентерсе.

 

Çап, çап, аçа! Çĕре чĕтрет!

Хĕвеллĕ пурăнăç ятне

кирлĕ мара ватса тĕпрет.

Эс — ман ратне. Эс — ман ратне.

 

Шухăшăмсем çуралнă чух

пуçра — хăватлă аслати.

Аслатипе анчах эп — чух!

Кĕрлевсĕр чунăн мĕн латти.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: