Крыльца çинче

Альберт Кӳлвар | Сăвă | 399


Эп тухрăм каç килсен крыльца çине.

Чĕвен тăрса юхать çил кĕрт çийĕпе,

Иртсе каян çамрăклăха чарас пек,

Иртнĕ куна çитме тухса чупас пек.

Йĕрет вăл лăпчăнса карлăк çумне,

Ӳкĕтлесе чĕнет мана хăйпе.

Ытла та шел: манран килес пулсан,

Эп чарăттăм, эп чупăттăм хыçран.

Чĕркуçленсе ларса, пĕр вăтанмасăр

Тархаслăттăм: «Тăхта, епле-ха сансăр?»

Çак паянхи хама ыталаса

Ĕмĕрлĕхех хăварăттăм хамра.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: