Çурхи уй-хирте

Ачашлать питрен çурхи уç çилĕ

Пăсланать те çăп-çăра тĕтре —

Сарлака та симĕс уй-хир çийĕн

Явăнать шап-шуррăн пĕлĕтре.

Улăхать-çке тӳпене хĕвелĕ,

Ылтăн пек хĕмне вăл сапалать —

Ешерен калча çине телейлĕн

Савăнса пăхса йăл-йăл кулать.

Шуçăмпах вăраннă та тăрийĕ,

Çут хĕвелшĕн хытă хĕпĕртет —

Сăвăлать: «Ял-йышăмăр тыррийĕ

Калама çук хӳхĕм ӳстĕр!» — тет.

Çĕнĕ комментари хуш