Манаймастăп

Юратан эс паян теприне,

Ăна çеç яр уçан чĕрӳне.

Чуптăватăн ăна — мана мар,

Ку вăл маншăн — пуç урлă чукмар!

Хушса юрламалли:

Теприне, теприне,

Юрататăн манран хитрине.

Хитререх-ши чунпа

Çав тепри,

Юратать-ши ман пек

Ун чĕри?

Ыратать чун ирпе те каçпа,

Çапнăран эс пуçран чукмарпа.

Чăтаймасăр çакна чĕремпе,

Йăпанатăп эп те тепринпе.

Акă халь ачашлатăп куллен

Эп ăна аллăмпа çӳçĕнчен.

Анчах эпĕ пулсан та унпа,

Эс тăратăн умра сăнупа.

Çĕнĕ комментари хуш