Юрамасть

Куçунтан пăхса каларăм:

— Ате, тусăм, урама!

— Юрамасть, — эс хуравларăн, —

Ятлаçать-çке кукамай.

Юрамасть, юрамасть —

Кукамай килтен ямасть.

Каç пулсан сана эп сĕнтĕм

Ташлама тухма манпа.

Шăппăн-шăппăн эсĕ чĕнтĕн:

— Юрамасть. Чарать аппа.

Юрамасть, юрамасть —

Ташлама аппа хушмасть.

Çакăн хыççăн ыталарăм

Эпĕ сана чуптума.

Тутуна тăсса каларăн:

— Ах, ан куртăр кукамай!

... Юратсассăн чĕререн,

Чуптума юрать иккен.

Çĕнĕ комментари хуш