Çĕнтерӳçĕ-салтак, ветеран

Ват салтак, яшсемпе тĕл пулсан,

Иртнине аса илччĕ, ан ман.

Çĕнтерӳ туптама

Мĕн вăй панă сана? —

Каласам ун çинчен, ветеран!

Тăшмана парăнман нихăçан,

Пулнă шанчăк сирте, аптраман.

Çĕр-анне вăй-хăват

Панă, хушнă çунат, —

Каласам ун çинчен, ветеран!

Çĕр тавра утса тухнă çуран,

Эс тертленнĕ, эс тӳснĕ суран.

Тăван халăхăм ман

Сана манмĕ нихçан,

Çĕнтерӳçĕ-салтак, ветеран!

Çĕнĕ комментари хуш