Пĕлсемччĕ юратма

Аркадий Русаков | Сăвă | юрату | 581


Юрату ан ил эс укçалла,

Сан чунна питех ку ăшăтаймĕ.

Ӳтне сутнă чиперкке çапла

Туйăмпа, хĕрӳллĕн ыталаймĕ.

 

Эрехпе ан парăнтар хĕре.

Ӳсĕр хĕр вăл шаннă çеçпĕл мар-и?

Чуптусан та пулмĕ пурпĕрех

Чунĕнче ун юрату кăварĕ.

 

Пикене хăш чух эс, хăратса,

Выльăхла, вăйпа илме пултарăн.

Сан çине, шанатăп, юратса

Нихăçан пăхаймĕ çак хĕрарăм.

 

Çĕрлехи сив уйăх таврана

Шевлине сапсан та ăшăтаймĕ.

Сар хĕр патăр туйăмне сана!

Çук! Хĕлхемсĕр юрату пулаймĕ!

 

Çут хĕвел пек пăхтăр сан çине

Яланах савнийӳ юратуллăн!

Парнелетĕр чăн-чăн туйăмне

Сана çеç! Вара телейлĕ пулăн.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем