Пăхсамччĕ ăшшăн эсĕ

Эп кĕтмен хăна-им саншăн?

Мĕншĕн эс чĕнместĕн?

Кашни кун çунатăп камшăн —

Эс кăна пĕлместĕн!

Сан патна куллен килетĕп —

Эс тарăхатăн.

Чечексем те парнелетĕп —

Сиввĕн çеç пăхатăн.

Ан сывлаччĕ, тусăм, ассăн

Эп сана чĕнсессĕн.

Аллунтан çемçен тытсассăн,

Йăл! кулсамччĕ эсĕ.

Умăнта ман хуть пĕр чĕптĕм

Саншăн айăп пур-и?

Ăшшăнрах пăхсамччĕ ĕнтĕ —

Маншăн ку та юрĕ.

Савăнса çĕкленĕ кăмăл

Çепĕç калаçсассăн,

Пурнăçра утмашкăн çăмăл

Пулĕ юратсассăн.

Çĕнĕ комментари хуш